En OUTUBRO comeza XUVENTUR programa da Xunta no que vos podedes apuntar para pasar unha fin de semana no turismo rural con actividades en diferentes ámbitos.

(Programa de educación non formal para a mocidade en establecementos de turismo rural).

Vida Láctea leva a actividade que se chama ESTADÍAS CREATIVAS.

Xa van para tres anos que Vida Láctea é a encargada das actividades no Centro de Inmersión Lingüística de Os Peares. Proxectos e programas que perante todo este tempo levamos desenvolvido neste especial centro que se sitúa na confluencia de tres ríos e na encrucillada de catro concellos: dato curioso.

O noso programa Aventura Peares é o resumo do lecer no tempo libre educativo dos mozos e mozas que queren compartir connosco unha aventura de deporte e natureza.

O programa Adventure Camp leva como excelencia a posibilidade de realizar actividade deportiva e de natureza en inglés.

Un ano máis xa temos as actividades preparadas para que o pasedes moi ben!.

Dende o 1 de outubro ábrese o espazo coworking do Lug2 donde poderás disfrutar, totalmente de balde, dun espazo de cooperación e colaboración nun ambiente creativo e formativo de excepción. Conta con:

• Espazos de traballo.
• Espazos de reunión.
• Espazos de exposición.
• Espazos de lecer.

Se queres un novo espazo de traballo, só tés que chamar por teléfono ao 982 80 41 49 ou escribir un mail a: coworking@lugdous.com

Vida Láctea no seu afán de mellorar vén de asinar unha colaboración con B The Travel Brand Sarria polo que a partires de este ano amplía as viaxes con mozos e mozas ao estranxeiro cunha metodoloxía e obxectivos moi claros, entre os cales se atopan:

• Os usuarios e usuarias realizan a programación en coordinación cos profesionais de Vida Lactea e B The Travel Brand, ademáis de pais e nais ou docentes.
• Profesionais de Vida Lactea acompañarán en todo momento aos mozos e mozas.
• Existe unha continua comunicación instantánea entre o grupo e os seus pais e nais a través das novas tecnoloxías.
• Realizamos reunións previas personalizadas informativas con pais e nais e reunións de programación e contacto con mozos e mozas.

Este proxecto confire destinos con programacións dinámicas, interesantes e lúdicas para todos os participantes, ademáis da posibilidade que sexan on english. Terá como destinos para o ano 2018: AMSTERDAM, BURDEOS, DUBLÍN, EDIMBURGO,  LONDON e PARIS.

Non sabedes onde ir de excursión?… chamádenos que vos asesoramos!.

Comezamos unha nova aventura no Parque Natural do Xurés a través do programa de Voluntariado Ambiental nos Parques Naturais de Galicia, cofinanciado nun 80% polo Fondo Europeo de Desenvolvemento Rexisonal no marco do Programa Operativo FEDER Galicia 2014-2020.

As actuacións van dirixidas a voluntarios e voluntarias de Galicia a través do programa de Voluntariado Galego da Dirección Xeral de Xuventude, Participación e Voluntariado.

Animádevos a compartir unhas xornadas espectaculares nos nosos Parques Naturais.