OFERTA PROFESIONAL | AUDITOR/A DE PRIMEIRO NIVEL

Proxecto LIRES – Interreg VI-A España–Portugal (POCTEP) 2021–2027

Ábrese un proceso para a selección e contratación dun/dunha Auditor/a de Primeiro Nivel para o Proxecto LIRES, cofinanciado polo Programa de Cooperación Interreg VI-A España–Portugal (POCTEP) 2021–2027.

A persoa profesional ou entidade seleccionada será responsable de realizar as tarefas de verificación e control dos gastos asociados á execución do proxecto, de acordo coa normativa, procedementos e requisitos establecidos polo Programa Interreg POCTEP, así como coa normativa nacional e europea aplicable.

PERFIL REQUIRIDO

Búscanse profesionais independentes ou firmas de auditoría con experiencia acreditada en auditoría, control e verificación financeira de proxectos financiados con fondos europeos.

Valorarase especialmente:

Experiencia previa como Auditor/a de Primeiro Nivel ou controlador/a de proxectos Interreg.
Experiencia específica no Programa Interreg POCTEP.
Coñecemento da normativa de elixibilidade e xustificación de gastos aplicable aos proxectos de Cooperación Territorial Europea.
Experiencia na revisión de documentación administrativa, contractual, contable e financeira.
Coñecemento dos procedementos e plataformas de xestión, seguimento e xustificación empregados no marco de Interreg.
Capacidade para cumprir os prazos establecidos polo proxecto e polo Programa.

OBXECTO DA COLABORACIÓN

O servizo comprenderá as actuacións necesarias para a verificación dos gastos declarados no marco do Proxecto LIRES, incluíndo a revisión da súa elixibilidade, trazabilidade, correcta imputación e adecuación á normativa aplicable.
Así mesmo, comprenderá a elaboración e emisión dos informes, certificados e demais documentación de control que corresponda, de conformidade cos procedementos establecidos polo Programa Interreg POCTEP.

SOLICITUDE DE INFORMACIÓN

As persoas profesionais ou entidades interesadas poden solicitar información adicional sobre o proxecto, o alcance do servizo, as condicións e o procedemento de contratación a través do seguinte enderezo electrónico:
vidalactea@vidalactea.com
Proxecto LIRES
Programa Interreg VI-A España–Portugal (POCTEP) 2021–2027