De seguro que un domingo non tés mellor cousa que facer que ir dar unha volta en bicicleta cun grupo de amigos e amigas.

Apúntaste? Podes facelo aquí. Des seguro que non te arrepintes.

E non paramos, en xaneiro iremos á Creative Jam de Sto. Tirso a disfrutar da mocidade e despois collemos as maletas e estaremos en Liverpool para unha reunión do proxecto.

Xa vos iremos contando.

Dende Vida Lactea desexámosvos que o ano que entra sexa o mellor do  mundo para todas e para todos.

Bicos e Bicas.

Recén chegado de Francia, dunha poboación moi preto de Luxemburgo chegou estes días Luc, un voluntario do programa Volunteer Interreg que vai estar connosco seis meses compartindo as súas vivenzas e axudándonos no noso proxecto Atlantic Youth Creative Hubs. Seguramente aprenderá moito e traballará a reo en prol da mocidade de Lugo.

Vida Lactea coordina o proxecto Practica para mozos e mozas galegos que precisan prácticas profesionais en Portugal para o que se habilitan 12 prazas. Os participantes foron seleccionados de entre máis de 100 candidatos que viaxaron unha semana á zona de Amarante, Braga e Oporto para aloxarse en empresas e asociacións segundo a categoría elexida polos mozos e mozas.

As estadías completáronse con visitas a diferentes lugares relacionados co emprendemento e asociacións de voluntariado para completar así o carácter formativo das estadías nas empresas.

Estes días estivemos en Brest cun programa moi apretado dentro do noso proxecto Atlantic Youth Creative Hubs. Fomos recibidos por Gwen e Madeleine, responsables do proxecto. E comezamos a traballar perante todos estes días na Science Hack Day, unha Creative Jam moi social e moi peculiar que nos gostou moitísimo.

Como responsables da Comunicación de Aych desenvolvemos o noso traballo creando contido e apoiando aos mozos e mozas alí presentes a desenvolver os seus videos.

Pois deu moito de sí a nosa Visita a Brest.

Por unha banda o Metropole de Brest encargounos realizar un obradoiro para mozos e mozas baseado no uso do smartphone e a edición de video, que resultou todo un éxito.

E pola outra banda fomos recibidos por Yves Gueren do FabLab da Universidade da Bretaña Oriental, un espazo creativo de primeiro orde que pecha para nós o ciclo das visitas a diferentes FabLabs europeos; xa temos a decisión tomada, Lugo contará cun FabLab, estamos empeñados e vai ser en breve.